হাৰ্ভাৰ্ড বিশ্ববিদ্যালয়ৰ এছিয়া আৰু আন্তঃৰাষ্ট্ৰীয় সন্মিলনত জিলিকিল অসমৰ চানষ্টোনৰ শিক্ষাৰ্থী

হাৰ্ভাৰ্ড বিশ্ববিদ্যালয়ৰ ছাত্ৰ সংগঠনৰ দ্বাৰা প্ৰস্তুত কৰা এক অনুষ্ঠান হাৰ্ভাৰ্ড কলেজ প্ৰজেক্ট ফৰ এছিয়ান এণ্ড ইণ্টাৰনেচনেল ৰিলেচনচ (HPER) এছিয়া কনফাৰেন্স 2022-ত অংশগ্ৰহণ কৰিবলৈ ভাৰতৰ আগশাৰীৰ উচ্চ শিক্ষাৰ ষ্টাৰ্টআপ চানষ্ট’নে ইয়াৰ চাৰিজন শিক্ষাৰ্থীক প্ৰশিক্ষণ দিছিল । ২০-২৪ আগষ্টৰ ভিতৰত আইআইটি দিল্লীত অনুষ্ঠিত হোৱা অনুষ্ঠানটোৰ বিষয়বস্তু আছিল Finding our Future আৰু এই বছৰৰ সমাৱেশে HPER ৰ ৩০ তম বাৰ্ষিকী উদযাপন কৰে।
একনফ হৈছে এক বিশ্বব্যাপী সহযোগিতামূলক মঞ্চ য’ত বিকশিত ষ্টাৰ্টআপ ইকচিষ্টেম, ডাটা সুৰক্ষা, কনষ্টেন্ট আদিৰ দৰে বিষয়বোৰৰ সংলাপ অন্তৰ্ভুক্ত থাকে। এই বছৰ, চানষ্টোনৰ শিক্ষাৰ্থী- চাৰ্মি বেগম বৰবৰা, ঈশান প্ৰধান, শচীন ত্যাগী আৰু সবৰীশ শাৰীয়ে উক্ত অনুষ্ঠানত অংশ গ্ৰহন কৰিছিল। শিক্ষাৰ্থীসকল ভাৰতৰ সৰু চহৰ যেনে অসমৰ ওদালগুৰি আৰু শিৱসাগৰ, তামিলনাডুৰ হোচুৰ আৰু হাৰিয়ানাৰ চনিপতৰ পৰা আহিছে।
চাৰ্মি বেগম বৰবৰা আৰু ঈশান প্ৰধানক একনফৰ বাবে তেওঁলোকৰ অভিজ্ঞতা আৰু বাছনিৰ বাবে অভিনন্দন জনাই মুখ্য কাৰ্যবাহী বিষয়া আৰু সহ-প্ৰতিষ্ঠাপক আশীষ মুঞ্জালে কয়, “আমি আমাৰ শিক্ষাৰ্থীসকলৰ কৃতিত্বত উৎফুল্লিত আৰু তেওঁলোকৰ বিকাশত অৰিহণা যোগাব পৰাত আমি অত্যন্ত সুখী। চানষ্টোনত, আমি আমাৰ শিক্ষাৰ্থীসকলক সৰ্বশ্ৰেষ্ঠ প্ৰদান কৰাৰ বাবে চেষ্টা কৰোঁ আৰু আমি নিশ্চিত কৰোঁ যে ধন, আন্তঃগাঁথনিৰ অভাৱ আদি কাৰকে আমাৰ শিক্ষাৰ্থীসকলৰ বিকাশত বাধা নিদিয়ে।”
পেটেল ইনষ্টিটিউট অৱ চাইন্স এণ্ড মেনেজমেণ্টৰ পৰা PGDM কৰি থকা ঈশান প্ৰধানে অনুষ্ঠানটোত উপস্থিত থকাৰ কথা ব্যক্ত কৰি কয়, “অসমৰ এখন সৰু চহৰত ডাঙৰ দীঘল হৈ হাৰ্ভাৰ্ড বিশ্ববিদ্যালয়স্থিত ছাত্ৰ সংগঠনে আয়োজিত এনে এক সন্মানীয় অনুষ্ঠানত অংশগ্ৰহণ কৰাটো মোৰ বাবে এক সপোন আছিল। কিন্তু চানষ্টোনৰ সমৰ্থন আৰু উৎসাহৰ দ্বাৰা, এইটো ঘটাবলৈ সক্ষম হৈছিল। HPERERত আমি সমগ্ৰ বিশ্বৰ পৰা বিভিন্ন সংস্কৃতিৰ অভিজ্ঞতা লাভ আৰু বিভিন্ন সহকৰ্মীসকলৰ সৈতে কথা পাতিবলৈ সুযোগ পাইছিলো। নিজৰ অভিজ্ঞতা বৰ্ননা কৰি অসম ডাউন টাউন বিশ্ববিদ্যালয়ৰ পৰা MBA কৰি থকা চাৰ্মি বেগম বৰবৰাই কয়, “চানষ্ট’নে এইচপিইআৰ এছিয়া সন্মিলন ২০২২ত আমাৰ সমগ্ৰ যাত্ৰাক নিৰন্তৰ সমৰ্থন জনাইছিল, আমাক কথোপকথন, শিষ্টাচাৰ আৰু পেছাদাৰী আচৰণৰ প্ৰশিক্ষণৰ পৰা আৰম্ভ কৰি পঞ্জীয়ন আৰু অংশগ্ৰহণ মাচুললৈকে, চানষ্ট’নে সকলো নিশ্চিত কৰিছিল।