যোৱা ১১ নৱেম্বৰত কাজিৰঙা ৰাষ্ট্ৰীয় উদ্যানৰ শতবাৰ্ষিকী সন্মিলনত ইণ্ডো-ফ্ৰেঞ্চ পাৰ্ক আৰু জৈৱ বৈচিত্ৰ্য অংশীদাৰিত্বৰ প্ৰথম পৰ্যায়ৰ অধীনত এক কৰ্মশালা অনুষ্ঠিত হৈ যায়। French Development Agency, French Forest Service International আৰু অসম বন বিভাগৰ মাজত ত্ৰিপাক্ষিক সহযোগিতাত এই কৰ্মশালাৰ আয়োজন কৰা হৈছিল।
“আমাৰ এই অংশীদাৰীত্ব সহযোগিতাৰ এক গুৰুত্বপূৰ্ণ মাইলৰ খুঁটি আৰু ই বন্যপ্ৰাণী ব্যৱস্থাপনাৰ গুৰুত্বপূৰ্ণ বিষয়বোৰ বিশ্লেষণৰ লগতে ভাৰত আৰু ফ্ৰান্সৰ মাজত হোৱা দ্বিপাক্ষিক চুক্তিৰ ক্ষেত্ৰত সহযোগিতা আগবঢ়োৱাত যথেষ্ট সহায় কৰিব”এই ভাষ্য AFD ((French Development Agency)ৰ সঞ্চালক ব্ৰুনো বছলেৰ।
IFS, PCCF, HOFF আৰু CWLW অসমৰ, এম.কে. যাদৱে উক্ত কৰ্মশালাখনৰ সভাপতিত্ব কৰি অসমত বন সংৰক্ষণ আৰু বন্যপ্ৰাণী ব্যৱস্থাপনাৰ সৰ্বশ্ৰেষ্ঠ পদ্ধতি আৰু কৌশলৰ ওপৰত তেওঁৰ অভিজ্ঞতা বৰ্ণনা কৰে।
এই কৰ্মশালাখনত অংশগ্ৰহণ কৰি অসমৰ বনাঞ্চল আৰু বন্যপ্ৰাণী পৰিচালনাৰ ক্ষেত্ৰত ব্যৱহাৰ হোৱা পদক্ষেপসমূহ আৰু অঞ্চলটোৰ বিষয়ে জানিব পাৰি অত্যন্ত সুখী বুলিও এম কে যাদৱে জানিবলৈ দিয়ে।
গিল্ছ ময়নট, কাৰিকৰী সঞ্চালক, আৰু লুচিল আউজেমেৰী, অ’এনএফআইৰ গৱেষণা বিশ্লেষক, আৰু
টাস্ক টীম লিডাৰ (জৈৱ বৈচিত্ৰ্য), ইমানুৱেল ফ’ৰমেন, অৰ্থনীতিবিদ (বিপদাশংকা বিভাগ), অক্ষীতা শৰ্মা, আৰু এএফডিৰ চেক্টৰ পৰ্টফলিঅ’ মেনেজাৰ (জৈৱ বৈচিত্ৰ্য), লগতে অসমৰ বন বিষয়াসকলেও এই কৰ্মশালাত অংশগ্ৰহণ কৰে।
সংৰক্ষিত এলেকাৰ ব্যৱস্থাপনা, সামূহিক অংশীদাৰীত্ব আৰু ইয়াৰ ওপৰত তেওঁলোকৰ অভিজ্ঞতাৰ বিষয়ে আলোচনা কৰাৰ উপৰিও বন্যপ্ৰাণীৰ জনসংখ্যাৰ দীৰ্ঘম্যাদী পৰিকল্পনা আৰু নিৰীক্ষণৰ বাবে উন্নত প্ৰযুক্তিৰ ব্যৱহাৰ, যেনে এম-ষ্ট্ৰিপিইএছ, ই-আই চাৰ্ভিলেন্স, ৰেডিঅ’ টেলিমেট্ৰি, কেমেৰা ফান্দ আদিৰ বিষয়েও পৰ্যালোচনা কৰা হয়। “অসমৰ বন বিষয়াসকলে তেওঁলোকৰ ভূমিগত শিক্ষা, বিভিন্ন প্ৰযুক্তিগত শিক্ষাৰ বিষয়ে আলোকপাত কৰাৰ লগতে বন্যপ্ৰাণীৰ প্ৰয়োজনীয়তাৰ সৈতে সামঞ্জস্য ৰখাৰ বাবে তেওঁলোকে গ্ৰহণ কৰা সমাধান আৰু অন্যান্য মুখ্য পদক্ষেপসমূহৰ বিষয়ে জানিব পাৰি গিল্ছ ময়নোট অভিভূত হৈ পৰে। কাজিৰঙা ৰাষ্ট্ৰীয় উদ্যান ভ্ৰমণৰ উপৰিও, ফৰাচী বিশেষজ্ঞৰ দলটোৱে ওৰাং ৰাষ্ট্ৰীয় উদ্যান, পবিতৰা বন্যপ্ৰাণী অভয়াৰণ্য, মানস অভয়াৰণ্যকে ধৰি অন্যান্য এলেকা পৰিদৰ্শন কৰে।
নামেৰি ৰাষ্ট্ৰীয় উদ্যান, লেণ্ডস্কেপ সংযোগ, বানপানীৰ দিশবোৰ বুজিবলৈ, কাৰ্যকৰী কৰিডৰ, মানৱ-বন্যপ্ৰাণীৰ সংঘৰ্ষ ব্যৱস্থাপনা, বাসস্থান ব্যৱস্থাপনা আৰু চোৰাং চিকাৰ বিৰোধী প্ৰণালীৰ বিষয়েও কৰ্মশালাত আলোচনা কৰা হয়।
