নিউজ ডেস্কঃ সকলোবোৰ বিতৰ্ক পৰা মুক্ত হৈ বিজেপিত যোগদান কৰিলে কংগ্ৰেছৰ প্ৰাক্তন বিধায়িকা অজন্তা নেওগে ৷ বিজেপিত যোগদান কৰিয়েই বিজেপিক প্ৰশংসা কৰি নেওগে কয় যে ‘বিজেপি দলৰ এটা ভৱিষ্যৎ দৰ্শন আছে ৷ যাৰ প্ৰতি আকৰ্ষিত হৈ বিজেপিত যোগদান কৰা বুলি মুকলিকৈ ঘোষণা কৰে ৷ লগতে বিজেপিৰ ২০২১ মিছনৰ বাবে সৰ্বশক্তি উজাৰি দিব বুলিও কয় বিধায়িকাগৰাকীয়ে ৷
গৃহমন্ত্ৰী অমিত শ্বাহ, মুখ্যমন্ত্ৰী, বিত্তমন্ত্ৰী আৰু গোলাঘাট সমষ্টিবাসীক ধন্যবাদ জনাই নেওগে এইদৰেও কয় যে কোনোধৰণৰ পূৰ্ব চৰ্ত নোহোৱাকৈ বিজেপিত যোগদান কৰিছে ৷ লগতে এই বুলিও বিধায়িকাগৰাকীয়ে মন্তব্য কৰে যে ’আজি মোৰ ন-বোৱাৰীৰ দৰে অনুভৱ হৈছে৷’
