আজি মুখ্যমন্ত্ৰী ড° হিমন্ত বিশ্ব শৰ্মা নেতৃত্বাধীন বিজেপি মিত্ৰজোঁট চৰকাৰৰ প্ৰথম বৰ্ষপূৰ্তি। বৰ্ষপূৰ্তি উপলক্ষে খানাপাৰৰ পশু চিকিৎসা মহাবিদ্যালয়ৰ খেলপথাৰত বিশেষ অনুষ্ঠানৰ আয়োজন কৰা হৈছে আৰু এই অনুষ্ঠানৰ মুখ্য অতিথি হিচাপে অংশ ল’ব কেন্দ্ৰীয় গৃহমন্ত্ৰী অমিত শ্বাহে।
চলিত চৰকাৰখনক লৈ ইতিমধ্যে বিভিন্নজনে বিভিন্ন ধৰণে প্ৰতিক্ৰিয়া ব্যক্ত কৰিছে। ২০২২ৰ ৩১ মাৰ্চলৈকে ১,০৮,৩৪৭.২৭কোটি টকাৰ ধাৰত পোত গৈ আছে বৰ্তমানৰ চৰকাৰখন। এটা বছৰতে ১৫,২৭১.২৭কোটি টকাৰ ঋণ লৈছে হিমন্ত বিশ্ব শৰ্মা চৰকাৰে। ৰাইজৰ মিশ্ৰিত প্ৰতিক্ৰিয়া আৰু মিশ্ৰিত সন্তুষ্টিৰ মাজেৰে হিমন্ত বিশ্ব শৰ্মা চৰকাৰখনে পাৰ কৰিলে এটা বছৰ।
