শোকাৱহ! নৱবৰ্ষৰ আনন্দ-উলাহৰ মাজতে নৈশ বাছে প্ৰাণ কাঢ়িলে যুৱকৰ

নৱবৰ্ষৰ আনন্দ-উলাহৰ মাজতে বকোৰ কেন্দুগুৰিত শুকুৰবাৰে নিশা সংঘটিত হয় এক শোকাৱহ পথ দুৰ্ঘটনা।

দুৰ্ঘটনাটোত প্ৰাণ হেৰুৱালে এজন ২৫ বছৰীয়া যুৱকে।

জানিবলৈ দিয়া অনুসৰি নিশা প্ৰায় ১০ বজাত AS25N 7248 নম্বৰৰ স্কুটীখনত গুৱাহাটীৰ পৰা শিলিগুৰী অভিমুখে গৈ থকা AS01FC 1540 নম্বৰৰ নৈশ বাছখনে প্ৰচণ্ড জোৰে খুন্দা মাৰে।

ফলত স্কুটী আৰোহী ভক্তিৰাম বড়োই থিতাতে কৰুণ মৃত্যুক সাৱটি লয়।

ইফালে নিশাই দুৰ্ঘটনাস্থলীত বকো আৰক্ষী উপস্থিত হৈ নৈশ বাছখন আৰু স্কুটীখন জব্দ কৰি থানালৈ লৈ যায়।

আৰক্ষীয়ে যুৱকজনৰ মৃতদেহ মৰণোত্তৰ পৰীক্ষাৰ বাবে গুৱাহাটী চিকিৎসা মহাবিদ্যালয়লৈ প্ৰেৰণ কৰে।

Photo: Headline8