নিউজ ডেস্কঃ দৰঙৰ বেছিমাৰীত সংঘটিত হয় এক শোকাৱহ পথ দুৰ্ঘটনা ৷
দুৰ্ঘটনাত থিতাতে প্ৰাণ হেৰুৱাই পিতৃ-কন্যাই।
বেছিমাৰীৰ ১৫নং ৰাষ্ট্ৰীয় ঘাইপথত বি পি ০৩ এ টি ৯৮৫৪ নম্বৰৰ এখন ট্ৰাকে তীব্ৰ বেগে আহি এএছ ১৩এফ ০৯৭৫ নম্বৰৰ মটৰ চাইকেলখনত খুন্দা মৰাত এই দুৰ্ঘটনাটো সংঘটিত হয়।
জানিব পৰা মতে, মটৰ চাইকেলখনত আছিল মুঠ ৪জন আৰোহী।
দুৰ্ঘটনাৰ ফলত আৰোহী জাবেদ আলী আৰু তেওঁৰ কন্যা জহুৰা বেগম থিতাতে নিহত হয়।
আনহাতে জাবেদ আলীৰ পত্নী আৰু আন এগৰাকী কন্যা ইয়াচমিনা গুৰুতৰভাৱে আহত হয় দুৰ্ঘটনাত।
পিছত স্থানীয় ৰাইজে আহত দুয়োজনকে চিকিৎসালয়লৈ প্ৰেৰণ কৰে।
দুৰ্ঘটনাত নিহত জাবেদ আলীৰ ঘৰ ধৰণীপুৰত বুলি জানিব পৰা গৈছে।
