সীমান্ত নিৰাপত্তা বাহিনী চমুকৈ বি এছ এফৰ আজাৰা পাটগাঁওস্থিত গুৱাহাটী ফ্ৰণ্টিয়াৰ মুখ্য কাৰ্যালয়ৰ উদ্যোগত ২৫ আৰু ২৬ নৱেম্বৰত দুদিনীয়াকৈ বি এছ এফৰ পূব কমাণ্ড ( Eastern Command ) ভিত্তিত আন্তঃ ফ্ৰণ্টিয়াৰ বৈদ্যুতিক প্ৰকল্প প্ৰদৰ্শনী প্ৰতিযোগিতা অনুষ্ঠিত হয় । প্ৰতিযোগিতাত পূৱ কমাণ্ডৰ অধীনৰ আটাইকেইটা ফ্ৰণ্টিয়াৰ মুখ্য কাৰ্যালয়ে ভাগ লয় । আনহাতে প্ৰতিযোগিতাত গুৱাহাটীয়ে প্রথম , মেঘালয়ে দ্বিতীয় আৰু চাউথ বেংগল ফ্ৰণ্টিয়াৰে তৃতীয় স্থান লাভ কৰে । ২৬ নৱেম্বৰ পৰা আয়োজিত হোৱা অনুষ্ঠানটিৰ সামৰণি অনুষ্ঠানত বিজয়ী ফ্ৰণ্টিয়াৰক বঁটা প্ৰদান কৰে গুৱাহাটী ফ্ৰণ্টিয়াৰৰ ডি আই জি ( পি এছ অ ) বীৰেন্দ্ৰ সিংয়ে । লগতে এই অনুষ্ঠানত বি এছ এফ-ৰ কেবাগৰাকী বিষয়া উপস্থিত থাকে ৷
