আজি গুৱাহাটী মহানগৰীত চলাচল কৰা নাই চিটি বাছ। ৰাজ্যৰ পৰিবহণ বিভাগৰ মইমতালিৰ বাবেই আজি মহানগৰীৰ একাংশ পথত চিটি বাছ সমূহ নচলোৱাৰ সিদ্ধান্ত গ্ৰহণ কৰাৰ লগতে মহানগৰীৰ বশিষ্ঠত চিটি বাছ চালক আৰু পৰিচালক সকলে সাব্যস্ত কৰিছে প্ৰতিবাদ ।
উল্লেখ্য যে, মহানগৰীৰ চিটি বাছ সমূহৰ বাবে নাই কোনো নিৰ্ধাৰিত বাছ ষ্টপেজ, পূৰ্বৰ বাছ ষ্টপেজ সমূহত বিভিন্ন সৰু বাহন পাৰ্কিং কৰি থোৱা হয়। ফলত বাছ ষ্টপেজৰ আশে পাশে বাছসমূহ ৰখাবলগীয়া হয় আৰু তেনে কৰিলেই পৰিবহন বিভাগ তথা যান-বাহন আৰক্ষীয়ে বৃহৎ পৰিমাণৰ জৰিমনা বিহে। বিভাগৰ এনে কাৰ্যৰ বাবেই আজি বাছ সমূহ বন্ধ কৰি প্ৰতিবাদ সাব্যস্ত কৰা হৈছে।
