দেশৰ প্ৰধান মন্ত্ৰী নৰেন্দ্ৰ মোদীৰ জন্মদিন উপলক্ষে যোৱা ১৭ চেপ্তেম্বৰৰ পৰা ২ অক্তোবৰলৈ চলি থকা সেৱা পষেকৰ লগত সংগতি ৰাখি আজি বিজেপিৰ ৰাণী মণ্ডলৰ উদ্যোগত আজাৰাৰ ক’ভিড টিকাকৰণ কেন্দ্ৰত চিকিৎসক, নাৰ্ছ আৰু স্বাস্থ্য কৰ্মী সকলক সম্বৰ্ধনা জনোৱা হয়। বিজেপিৰ ৰাণী মণ্ডলৰ সভাপতি হৰকান্ত নাথে আঁতধৰা অনুষ্ঠানত আজাৰা ক’ভিড টিকাকৰণ কেন্দ্ৰৰ চিকিৎসক, নাৰ্ছ, স্বাস্থ্য কৰ্মী, চাফাই কৰ্মী সকলক ফুলাম গামোছাৰে সম্বৰ্ধনা জনোৱা হয়।
অনুষ্ঠানত অংশ গ্ৰহণ কৰি বিজেপিৰ সংখ্যালঘূ মৰ্চাৰ সাধাৰণ সম্পাদক ছহিদুল ইছলামে ক’ভিড কালীন সময়ছোৱাত চিকিৎসা ব্যৱস্থাত জড়িত থকা চিকিৎসক, নাৰ্ছ আদিকৰি সমগ্ৰ ব্যৱস্থাটোক ভূয়সী প্ৰসংশা কৰি জনসাধাৰণ সদায়ে কৃতজ্ঞ হৈ থাকিব বুলি উল্লেখ কৰে।অনুষ্ঠানত বিজেপিৰ কামৰূপ মহানগৰ জিলাৰ সভাপতি তপন দাসেও ভাষণ দিয়ে।
