বৰঝাৰস্থিত লোকপ্ৰিয় গোপীনাথ বৰদলৈ অান্তঃৰাষ্ট্ৰীয় বিমানকোঠত আজি আন্তঃৰাষ্ট্ৰীয় চাহ-দিৱস উদযাপন কৰা হয়। এই চাহ-দিৱস উদযাপনৰ প্ৰধান বিষয়-বস্তু হৈছে, জনসমাজত চাহৰ উৎপাদন আৰু সেৱনৰ প্ৰতি সজাগতা বৃদ্ধি কৰা। তাৰ লগত সংগতি ৰাখি, বিমানকোঠ কতৃপক্ষই আজি আগমন আৰু প্ৰস্থান কক্ষত প্ৰায় তিনিশৰো অধিক লোকক বিনামূলীয়াকৈ চাহ পৰিবেশন কৰে।
বিমানকোঠত অৱস্থিত গুডউইন চাহ আৰু কৰংগিনি চাহ বিপণি সমূহেও ইয়াত উল্লেখযোগ্য ভূমিকা গ্ৰহণ কৰে। তাৰ সমান্তৰালভাৱে, মাঞ্চীছ আৰু লোকেল ফুড বিপণি সমূহে বিনামূলীয়াকৈ কুকিছ আৰু কাটলেট প্ৰদান কৰে। উল্লেখযোগ্য যে, যাত্ৰী সকলে চাহ বিতৰণৰ এই ব্যতিক্ৰমিক ব্যবস্থাৰ প্ৰতি অধিক সন্তষ্ট হৈ বিমানকোঠ কতৃপক্ষক ভূয়সী প্ৰশংসা কৰে।
