পাঞ্জাবাৰীত জব্দ লাখ লাখ টকাৰ জাল নোট

নিউজ ডেস্কঃ একেবাৰে ধামাকা পূজা কৰাৰ তৈয়াৰী কৰিছিল, কিন্তু ক্ৰাইম ব্ৰাঞ্চে ঢালিলে আশাত চেচা পানী। পাঞ্জাবাৰীৰ ফখৰুদ্দিন আলি আহমেদ ৰোডৰ মিলন পথত ক্ৰাইম ব্ৰাঞ্চৰ অতৰ্কিতে অভিযান।
অভিযানত পাঞ্জাবাৰীত জব্দ লাখ লাখ টকাৰ জাল নোট। লগতে এই অভিযানত মহানগৰীত জালনোট প্ৰস্তুতকাৰী চক্ৰ উৎখাত।
ক্ৰাইম ব্ৰাঞ্চৰ এই অভিযানত আটক নজৰুল হাছান, আফজালুৰ ৰহমান, নিজামুদ্দিন আৰু হামিড আলী নামৰ ৪ জন।
এই অভিযানত জব্দ হৈছে ১০ লাখতকৈও অধিক জাল নোট। লগতে জব্দ কৰা হৈছে এটা জাল নোট চপা মেচিন, বাইক আৰু কেইবাটাও মবাইল ফোন৷
সমগ্ৰ উত্তৰ পূৱতে জাল নোটৰ বেহা চলাইছিল চক্ৰটোৱে। ভাড়া ঘৰত থাকি দীৰ্ঘদিন ধৰি চলাই আহিছিল এই বেহা।