বৰঝাৰস্থিত লোকপ্ৰিয় গোপীনাথ বৰদলৈ আন্তঃৰাষ্ট্ৰীয় বিমানবন্দৰত যাত্ৰীৰ সুবিধাৰ বাবে প্ৰিমিয়াম প্ৰি-পেইড টেক্সি সেৱা মুকলি কৰা হয়। এই সেৱাৰ অধীনত যাত্ৰীসকলে কোনো অসুবিধাৰ সন্মুখীন নোহোৱাকৈ বিমানবন্দৰত অবতৰণ কৰি, আগমন কক্ষৰ ভিতৰতে থকা নিৰ্দিষ্ট বুথত গৈ টিকট সংগ্ৰহ কৰি গন্তব্যস্থানলৈ যাত্ৰা কৰিব পাৰিব।
টেক্সিসমূহ বিমানবন্দৰৰ নিৰ্দিষ্ট পাৰ্কিং স্থানত ৰখা হ’ব। যাত্ৰীসকলে টিকট বুকিং কৰি আগমন কক্ষৰ বাহিৰলৈ আহিয়েই এই সেৱা লাভ কৰিব পাৰিব। প্ৰি-পেইড টেক্সি সেৱাই ব্যৱসায় বাণিজ্যৰ বাবে সঘনাই আহ-যাহ কৰি থকা ব্যক্তিসকলৰ বাবে অতি লাভজনক হ’ব বুলি আশা কৰা হৈছে।
