সাধাৰণতে আমি বিয়াত দিয়া উপহাৰবোৰ কোনো ব্যতিক্ৰমী নহয় ৷ কিন্তু এখন বিয়াৰ দৰাক দিয়া উপহাৰে সমগ্ৰ বিশ্বতে চৰ্চা লাভ কৰিছে ৷ দৰাচলতে বিয়াখন পাকিস্তানত অনুষ্ঠিত হয় ৷ বিয়াখনত পাৰ্টী চলি থকা অৱস্থাতে শাহুৱেকে জোৱায়েকক উপহাৰ হিচাপে প্ৰদান কৰে এটা এ কে-৪৭ ৰাইফল। বৰ্তমান ছ’চিয়েল মিডিয়াত ইয়াৰ ভিডিঅ’টো বহুলভাবে ভাইৰেল হৈ পৰিছে। ভাইৰেল হৈ পৰা ভিডিঅটোত দেখা গৈছে যে হঠাতে এগৰাকী মহিলাই আহি দৰাৰ হাতত এটা এ কে-৪৭ ৰাইফল তুলি দিছে। কিন্তু দৰা বা কইনাই ইয়াত কোনো আশ্চৰ্য প্ৰকাশ কৰা নাই। এই ভিডিঅ’টো চাই ওড়িশাৰ কেডাৰৰ আই.পি.এছ বিষয়া অৰুণ ব’থ্ৰাই নিজৰ টুইটাৰ একাউন্টত শ্বেয়াৰ কৰে আৰু এই বুলিও আই. পি.এছ বিষয়া গৰাকীয়ে মন্তব্য কৰে যে আমাৰ প্ৰতিবেশী দেশখনৰ একাংশ নাগৰিকৰ মানসিকতা ইমান তললৈ নামিছে উপহাৰৰ নামত তেওঁলোকে তেজৰ নৈ বোৱাবলৈ কুণ্ঠাবোধ নকৰে ৷
