বৰ্তমানো অব্যহত আছে ইউক্ৰেইনৰ ওপৰত ৰাছিয়াৰ আক্ৰমণ । ৰাছিয়াৰ সামৰিক অভিযানে ইতিমধ্যে অতিক্ৰম কৰিলে ২৪ দিন । দুয়োখন দেশৰ মাজৰ এই যুদ্ধৰ ফলত ধ্বংসস্তূপত পৰিণত হৈছে ইউক্ৰেইনৰ বহু চহৰ । শেহতীয়াকৈ ৰাছিয়াই ইউক্ৰেইনৰ বিখ্যাত চহৰ মাৰিয়াপ’লত ভয়ংকৰ আক্ৰমণ কৰাৰ কথা পোহৰলৈ আহিছে ।
উল্লেখ্য যে, ইউক্ৰেইনৰ উপ-প্ৰধানমন্ত্ৰী ইৰিনা ভেৰেশ্চুকে জনোৱা মতে চহৰখনৰ পৰা প্ৰায় ৬,৬২৩ গৰাকী লোকক স্থানান্তৰ কৰা হৈছে । ইয়াৰে ৪,১২৮ গৰাকী লোকক সুৰক্ষিতভাৱে উত্তৰ-পশ্চিমে থকা জাপোৰিজজিয়ালৈ লৈ যোৱা হৈছে ।
