মাদ্ৰাছা শিক্ষা ব্যৱস্থা বন্ধ কৰিবৰ বাবে ৰাজ্য চৰকাৰে গ্ৰহণ কৰা ‘দ্য আছাম ৰিপিলিং এক্ট ২০২০’ত অনুমোদন জনায় ৰাজ্যপাল জগদীশ মুখীয়ে ।
বুধবাৰে এই আইনখনক স্বীকৃতি প্ৰদান কৰিছে ৰাজ্যপাল প্ৰফেছাৰ জগদীশ মুখীয়ে।
এতিয়াৰে পৰা সকলো চৰকাৰী মাদ্ৰাছা শিক্ষানুষ্ঠান সাধাৰণ শিক্ষানুষ্ঠানলৈ পৰিৱৰ্তিত হ’ব ।
কোনো চৰকাৰী শিক্ষানুষ্ঠানত প্ৰদান কৰিব নোৱাৰিব ধৰ্মীয় শিক্ষা ।
শিক্ষামন্ত্ৰী হিমন্ত বিশ্ব শৰ্মাই সংসদত উত্থাপন কৰিছিল বিধেয়কখন ।
ৰাজ্যপাল জগদীশ মুখীয়ে আইনখনত সন্মতি প্ৰদান কৰাৰ পিছতে এয়া এক ঐতিহাসিক আৰু উন্নয়নকামী পদক্ষেপ বুলি টুইটযোগে অভিহিত কৰিছে শিক্ষামন্ত্ৰীগৰাকীয়ে ।
টুইটযোগে তেঁও কয়, ‘এয়া এক ঐতিহাসিক আৰু প্ৰগতিশীল সিদ্ধান্ত! দ্য আছাম ৰিপিলিং এক্ট, ২০২০-এ ৰাজ্যপালৰ সন্মতি লাভ কৰিছে আৰু কাৰ্যকৰী হৈ উঠিছে।
মাদ্ৰাছা এডু প্ৰাদেশীকৰণ আইন, ১৯৯৫ আৰু অসম মাদ্ৰাছা শিক্ষা আইন, ২০১৮ বাতিল কৰা হৈছে।’