উত্তৰ প্ৰদেশ কানপুৰ জিলাত এজন ছাত্ৰক অপহৰণ কৰাৰ এক চাঞ্চল্যকৰ ঘটনা সংঘটিত হৈছে।
গাড়ীত অহা দুৰ্বৃত্তই দিন-দুপৰতে ৰাস্তাৰে গৈ থকা এজন ছাত্ৰক অপহৰণ কৰে।
অপহৰণ কৰাৰ পূৰ্বে ছাত্ৰজনক মাৰধৰো কৰে। বৰ্ৰা থানা এলেকাত সংঘটিত হোৱা এই ঘটনাটো CCTV বন্দী হয়।
দিন-দুপৰতে সংঘটিত হোৱা এই ঘটনাটোৰ পিছতে অঞ্চলটোত সন্ত্ৰাসৰ সৃষ্টি হয়।
চিচিটিভিত ফুটেজত স্পষ্টভাৱে দেখা পোৱা গৈছে যে কিধৰণে ৪ দুৰ্বৃত্তই গাড়ীৰ পৰা বাহিৰলৈ ওলাই আহে আৰু ছাত্ৰজনক মাৰধৰ কৰে।
ছাত্ৰজনক মাৰধৰ কৰাৰ পিছত দুৰ্বৃত্ত কেইটাই ছাত্ৰজনক জোৰ কৰি গাড়ীত বহুৱাই লৈ যায়।
ছাত্ৰজনক মাৰধৰ কৰাৰ পিছত দুৰ্বত্তকেইটাই তাক আহত অৱস্থাত নৌবস্তাস্থিত গল্লা মণ্ডীৰ সমীপত জনশূন্য এলেকাত পেলাই থৈ যায়।
তাত উপস্থিত থকা লোকসকলে আহত ছাত্ৰজনক হাস্পতালত ভৰ্তি কৰোৱাই আৰু পৰিয়ালক জানিবলৈ দিয়ে।
#WATCH | Man gets kidnapped in broad daylight in Kanpur by being shoved in a car (3.2.2021)
Footage captured by a local CCTV camera pic.twitter.com/V7Z1cZdGNf
— ANI UP/Uttarakhand (@ANINewsUP) February 3, 2021
ভুক্তভোগী ছাত্ৰজনৰ নাম হ’ল উজ্জ্বল চৌধুৰী।
শিৱাজী ইণ্টাৰ কলেজত অধ্যয়নৰত উজ্জ্বল। স্কুলৰ পৰা ঘৰলৈ গৈ থকাৰ সময়তে এই ঘটনাটো সংঘটিত হয়।
উজ্জ্বলে আৰক্ষীক ক’লে যে ছাহিল সিং নামৰ এজন লোকে তাৰ পৰা টকা বিচাৰিছিল।
উজ্জ্বলে যেতিয়া টকা দিবলৈ অমান্তি হয় তেতিয়া তাক মাৰধৰ কৰি লগত লৈ যায়।
Photo: Google
