নিউজ ডেস্কঃ আহি আছে ৰাফেল । এখন নহয়, দুখন নহয়, পাঁচখনকৈ ৰাফেল ফাইটাৰ জেট আজি ভাৰত আহি পাবহি । পূৰ্ব নিৰ্ধাৰিত সময় অনুসৰি আজি দিনৰ ১ বজাত এই আটাইকেইখন ৰাফেল যুঁজাৰু বিমান ভাৰত আহি পোৱাৰ কথা আছিল যদিও প্ৰতিকূল বতৰৰ বাবে উৰণত কিছু বিলম্ব হোৱাত এতিয়া দিনৰ ২.১০ বজাতহে হাৰিয়ানাৰ আম্বালা এয়াৰবেচত অৱতৰণ কৰিবহি পাঁচোখন ৰাফেল ফাইটাৰ জেট । ইতিমধ্যে ইউ এ ইৰ অল ডাফৰা এয়াৰবেচৰ পৰা পুৱা ১১.৪০ বজাত উৰণ আৰম্ভ কৰিছে এই ৫ খন ৰাফেল জেটে । এতিয়াৰ পৰা আধা ঘণ্টাৰ ভিতৰত (১.০৭ বজা) ভাৰতৰ আকাশমাৰ্গত প্ৰৱেশ কৰিব আটাইকেইখন বিমানে । ৰাফেলৰ উপস্থিতিৰ পিছতেই ভাৰতীয় বায়ুসেনাৰ বাবে আজিৰ দিনটো হ’ব এক ঐতিহাসিক দিন৷
চিত্ৰৰ উৎসঃ ইণ্টাৰনেট
