নিউজ ডেস্কঃ মধ্যপ্ৰদেশৰ ৰিৱা জিলাত সংঘটিত হয় এক ভয়ংকৰ পথ দুৰ্ঘটনা।
ছুহিয়া ঘাটীত এখন স্কুল বাছৰ ওপৰত ছাইভৰ্তি এখন ট্ৰাক বাগৰি পৰে ৷
দুৰ্ঘটনাটোত ৫ জন লোকে থিতাতে প্ৰাণ হেৰুওৱাৰ লগতে গুৰুতৰভাৱে আহত হয় ৯ জনকৈ লোক ৷
আহত আটাইকেইজন লোককে চিকিৎসাৰ বাবে সঞ্জয় গান্ধী চিকিৎসালয়ত ভৰ্তি কৰোৱা হয় ৷
আল্ট্ৰাটেক চিমেণ্ট প্লাণ্টৰ স্কুল বাছেৰে শিক্ষাৰ্থী আৰু কৰ্মচাৰীসকলক লৈ যোৱাৰ সময়তে দুৰ্ঘটনাটো সংঘটিত হয় ৷
ৰিৱা জিলাৰ সদৰৰ পৰা ২৫ কিঃমিঃ দূৰত্বৰ শ্বাহডোল মাৰ্গস্থিত ছুহিয়া ঘাটীত এই ঘটনা সংঘটিত হয় ৷
ঘটনাটোৰ খবৰ পোৱা মাত্ৰকে গোবিন্দগড় থানাৰ আৰক্ষী ততাতৈয়াকৈ ঘটনাস্থলীত উপস্থিত হয় ৷
আৰক্ষী-প্ৰশাসনৰ সহযোগত আহতসকলক উদ্ধাৰ কৰি চিকিৎসালত ভৰ্তি কৰোৱা হয় ৷
