পশ্চিম গুৱাহাটীৰ অগ্ৰণী ক্ৰীড়া সংগঠন আজাৰা আঞ্চলিক ক্ৰীড়া সন্থাৰ উদ্যোগত ২০ নবেম্বৰৰ পৰা ৰাজধৰ বৰা উচ্চতৰ মাধ্যমিক বিদ্যালয়ৰ খেলপথাৰত আৰম্ভ হৈছে পদ্মৰাম দাস -কমলেশ্বৰ বৰুৱা সোঁৱৰণী আন্তঃক্লাব ফুটবল প্ৰতিযোগিতা। বহুসংখ্যক ক্ৰীড়াপ্ৰেমী ৰাইজৰ উপস্থিতিত প্ৰতিযোগিতাখন উদ্ধোধন কৰে আজাৰা আঞ্চলিক ক্ৰীড়া সন্থাৰ সভাপতি ডাঃ হৰিচৰণ মেধিয়ে।
এই উপলক্ষে সন্থাৰ সাধাৰণ সম্পাদক তীৰ্থ মেধিয়ে আঁত ধৰা চমু উদ্ধোধনী অনুষ্ঠানত সন্থাৰ উপদেষ্টা তৰুণ মেধি, কাৰ্যকৰী সভাপতি প্ৰদীপ দাস, উপ সভাপতি কৃষ্ণ কুমাৰ দাস, সাধাৰণ সম্পাদক উৎপল মুছাহাৰী, গৌতম বৰুৱা, মুকুণ্ড দাস, খেল সম্পাদক মনোজ মেধিকে ধৰি কেবাজনো কৰ্মকৰ্তা উপস্থিত থাকে। উদ্ধোধনী খেলত ৰাণী কচিং চেন্টাৰে ৱেষ্ট গুৱাহাটী ফুটবল ক্লাৱক ৩ – ০ ৰ গলৰ ব্যৱধানত পৰাজিত কৰে।
আনহাতে আজিৰ খেলত বৰবৰি ৰূপালীম ক্লাৱ বিজয়ী হয়। বৰবৰি ৰূপালীম ক্লাবে ভি আই পি ফুটবল ক্লাবক ৩-১ গলত পৰাজিত কৰে। কাইলৈৰ খেল আজাৰা বয়জ ক্লাব বনাম চকৰ্দো ফুটবল ক্লাবৰ মাজত অনুষ্ঠিত হব বুলি সন্থাৰ সাধাৰণ সম্পাদক তীৰ্থ মেধিয়ে জানিবলৈ দিছে ।
