প্ৰকাশ পালে কামৰূপ মহানগৰৰ ২০২২ৰ ভোটাৰ তালিকা। জিলা নিৰ্বাচনী বিষয়া ধ্ৰুৱজ্যোতি হাজৰিকাই প্ৰকাশ কৰিলে এই তালিকা। জিলাখনৰ চাৰিটা সমষ্টিৰ মুঠ ভোটাৰৰ সংখ্যা ১১ লাখ ৬১ হাজাৰ ৪৬৭ গৰাকী।
জালুকবাৰী সমষ্টিত থকা মুঠ ভোটাৰৰ সংখ্যা ২ লাখ ৪ হাজাৰ ৪৮১ জন৷ দিছপুৰ সমষ্টিত থকা মুঠ ভোটাৰৰ সংখ্যা ৪ লাখ ১৪ হাজাৰ ৮৫৬ গৰাকী। পূৱ গুৱাহাটী সমষ্টিত মুঠ ভোটাৰৰ সংখ্যা ২ লাখ ৪১ হাজাৰ ৮৫ গৰাকী৷ পশ্চিম গুৱাহাটী সমষ্টিত মুঠ ভোটাৰৰ সংখ্যা ৩ লাখ ১ হাজাৰ ৪৫ গৰাকী৷ চাৰিটা সমষ্টিৰ তৃতীয় লিংগৰ ভোটাৰৰ সংখ্যা ৪০ গৰাকী৷ উল্লেখ্য যে মহানগৰ জিলাখনৰ মুঠ ৫৪৬৩ গৰাকী ভোটাৰৰ নাম কৰ্তন কৰা হৈছে ভোটাৰ তালিকাৰ পৰা। ইয়াৰ কিছু সংখ্যকৰ মৃত্যু হৈছে আৰু কিছু সংখ্যকৰ নাম দুবাৰকৈ পঞ্জীয়ন হৈ আছিল৷