গুৱাহাটীৰ পশ্চিম প্ৰান্তৰ খানামুখৰ শ্ৰী শ্ৰীলক্ষ্মী পূজাৰ ৫০ বছৰ পূৰ্ণ হোৱা উপলক্ষে অহা ৮,৯ আৰু ১০ অক্টোবৰত তিনিদিনীয়া বৰ্ণাঢ্য কাৰ্যসূচীৰে সোণালী জয়ন্তী উৎসৱ উদযাপনৰ আয়োজন কৰা হৈছে । আনহাতে সোণালী জয়ন্তী উৎসৱৰ কাৰ্যসূচী সুচাৰুভাৱে সম্পন্ন কৰিবলৈ জ্যেষ্ঠ অধিবক্তা সত্য ভৰালীক সভাপতি, কেশৱ কলিতাক কাৰ্যকৰী সভাপতি, কনক চন্দ্ৰ বৈশ্য, কমলা কলিতা, অনিল বৈশ্য আৰু মাণিক কলিতাক উপ সভাপতি, ৰুবুল বৈশ্য আৰু তপন ঠাকুৰীয়াক সাধাৰণ সম্পাদক, ধীৰাজ কলিতা ( দুলু ), পংকজ কলিতা, অনিল কলিতা, ৰাজদ্বীপ কাকতি আৰু ৰাহুল কলিতাক সম্পাদক হিচাপে লৈ এখন কাৰ্যকৰী সমিতি আৰু কেবাখনো উপ সমিতি গঠন কৰা হৈছে।
আনহাতে ১৫ ছেপ্টেম্বৰত অঞ্চলটোৰ বহু সংখ্যক লোকৰ উপস্থিতিত সোণালী জয়ন্তী উৎসৱৰ লাইখুটা স্থাপন কৰা হয়। মাংগলিক কাৰ্যৰ মাজেৰে লাইখুটা স্থাপন কৰে উদযাপন সমিতিৰ সভাপতি অধিবক্তা সত্য ভৰালীয়ে।
