দৰঙৰ খাৰুপেটীয়াত চিকিৎসক দম্পতীক আক্ৰমণকাণ্ডৰ মূল অভিযুক্তক গ্ৰেপ্তাৰ। গ্ৰেপ্তাৰ আক্ৰমণকাৰী খাৰুপেটীয়া ওৱাহাব নগৰৰ ৰাহুল আমিন।
দুদিন পূৰ্বে ৰাহুলে নিজৰ ভগ্নীৰ সৈতে নিমতলীৰ “আফ্ৰীণ হেল্থ কেয়াৰ’ত চিকিৎসাৰ বাবে গৈ চিকিৎসক আহমেদ আলী আৰু পত্নীক অশ্লীল গালি গালাজ কৰাৰ লগতে শাৰিৰীকভাৱে আক্ৰমণ কৰিছিল ।
আৰক্ষীয়ে আজি গোচৰ নং 230/21 U/S 294 /352 /354 /34 ধাৰাত ৰাহুলক গ্ৰেপ্তাৰ কৰি জেললৈ প্ৰেৰণ কৰে।
উল্লেখ্য সোমবাৰে তেজপুৰ চিকিৎসা মহাবিদ্যালয়ত কৰ্মৰত ডাঃ আহমেদ আলী নামৰ চিকিৎসকজনে খাৰুপেটিয়াস্থিত “আফ্ৰিন হেল্থ কেয়াৰ চেণ্টাৰত” ৰোগীক চিকিৎসা প্ৰদান কৰি থকাৰ সময়তে দৰং জিলা যুৱ কংগ্ৰেছৰ সাধাৰণ সম্পাদক ৰাহুল আমিনে অসুস্থ পৰিয়ালৰ লোকক চিকিৎসা কৰোৱাৰ উদ্দেশ্যে উপস্থিত হৈছিল হাস্পতালখনত।
কিন্তু চিকিৎসা প্ৰদানত কিছু পলম হোৱাত অশ্লীল গালি-গালাজ পাৰাৰ লগতে আক্ৰমণ কৰিছিল চিকিৎসকজনক। স্বামীক সহায় কৰিবলৈ অহা পত্নীকো আক্ৰমণ কৰি ঘটনাস্থলীৰ পৰা পলায়ন কৰিছিল যুৱ কংগ্ৰেছৰ সাধাৰণ সম্পাদক ৰাহুলে।
