গুৱাহাটীৰ এনআইপিইআৰ চৌহদৰ ওচৰৰ কাটামুৰত বন বিভাগে এটা নাহৰফুটুকী বাঘ উদ্ধাৰ কৰিছিল। এটা নাহৰফুটুকী বাঘ এনআইপিইআৰ চৌহদৰ ওচৰে-পাজৰে ঘূৰি ফুৰাৰ তথ্য পোৱাৰ পিছত বন বিভাগে অতি কৌশলেৰে বাঘটোক কৰায়ত্ত কৰিবলৈ সক্ষম হৈছিল। ১৮ জানুৱাৰীত বন বিভাগৰ দ্বাৰা কৰায়ত্ত কৰা বাঘটোক প্ৰাথিমক চিকিৎসাৰ পিছত ১৯ জানুবাৰীত সুকলমে বনাঞ্চলত মুকলি কৰি দিয়া হয়। বন বিভাগৰ পৰা পোৱা তাৎক্ষণিক পদক্ষেপক সচেতন ৰাইজে শলাগ লৈছে।
