শিৱসাগৰৰ ভটিয়াপাৰৰ ৰাজপথত জ্বলিল এখন বিলাসী বাহন। ৰাজপথতে দাও দাওকৈ বিলাসী বাহন জ্বলি যোৱা ঘটনাই অঞ্চলতোত আতংকৰ সৃষ্টি কৰিছে।
কাৰিকৰী বিজুতিৰ বাবেই AS O4 AA 4686 নম্বৰৰ এম জি হেক্টৰ নামৰ বিলাসী বাহনখন জ্বলি যোৱাৰ সন্দেহ প্ৰত্যশদৰ্শীৰ। অগ্নিদগ্ধ বাহনখনৰ গৰাকী নৱজিৎ দত্ত বুলি জানিব পৰা গৈছে।
এই ঘটনাত কোনো লোক হতাহত হোৱা নাই বুলি জানিব পৰা গৈছে। অগ্নিনিৰ্বাপক বাহিনীৰ বাহনে জুই নিৰ্বাপন কৰিবলৈ সক্ষম হয় যদিও বাহনখন প্ৰায় ধ্বংস হয়।
