বিহালীৰ ৰাংছালী অঞ্চলৰ ব্ৰহ্মপুত্ৰ নৈত পুনৰ এজন ব্যক্তিৰ গুৰুত্বপূৰ্ণ নথি-পত্ৰসহ এটা বেগ উদ্ধাৰ হৈছিল।লগতে বিভিন্ন বেংকৰ এটিএম কাৰ্ড, ক্ৰেডিট কাৰ্ড আৰু অন্য কেইখনমান নথি-পত্ৰও উদ্ধাৰ হৈছিল।
বিহালীৰ ৰাংছালী অঞ্চলৰ কেইজনমান মাছমৰীয়াই বেগটো প্ৰত্যক্ষ কৰি বেগটোৰ ভিতৰৰ পৰা এই সামগ্ৰীখিনি উদ্ধাৰ কৰিছিল।উদ্ধাৰ কৰা ভোটাৰ কাৰ্ডত মদন পেগুৰ ঠিকনা মাজুলী বুলি উল্লেখ আছিল।কিন্তু আমাৰ সকলোৰে বাবে ভাল খবৰ আহিছে এয়ে যে মদন পেগু সুকলমে আছে।
নাও দুৰ্ঘটনাৰ সময়ত সুস্থ অৱস্থাত উদ্ধাৰ কৰা হৈছিল মদন পেগুক।ইতিমধ্যে একাংশ লোকে আমাক এই কথা জানিবলৈ দিছে।
অৱশ্যে দুৰ্ঘটনা সংঘটিত হোৱাৰ পাছৰে পৰা তেওঁৰ বেগটো পানীত হেৰাই গৈছিল আৰু অৱশেষত গুৰুত্বপূৰ্ণ নথি-পত্ৰ থকা তেওঁৰ বেগটো উদ্ধাৰ কৰা হৈছে।