বিগত বছৰৰ দৰে এইবাৰো ৮ মার্চত পশ্চিম গুৱাহাটীৰ খানামুখস্থিত শ্রী শ্রী শিৱ মন্দিৰত পশ্চিম জালুকবাৰী খানামুখ ৰাজহুৱা নামঘৰ পৰিচালনা সমিতিৰ উদ্যোগত শ্ৰী শ্ৰী শিৱৰাত্ৰী উপলক্ষে মহা শিৱৰাত্ৰী পূজাৰ আয়োজন কৰা হৈছে।
নামঘৰ পৰিচালনা সমিতিৰ সভাপতি যাদৱ চন্দ্ৰ কলিতা, মুখ্য সাধাৰণ সম্পাদক হেমেন কলিতা, সম্পাদকদ্বয় ভূষণ মণি দাস আৰু ধৃতিমান দাসে জানিবলৈ দিয়া মতে পূজাৰ দিনজোৰা কাৰ্যসূচীৰ লগত সংগতি ৰাখি নিশা ৭-৩০ বজাৰ পৰা নলবাৰী অগ্নিশালাৰ বিনীতা ৰাজবংশীৰ বিখ্যাত মহিলা নামৰ দলে নাম পৰিৱেশন কৰিব। সিদিনাৰ পূজাৰ কাৰ্যসূচীত সকলো ভক্তপ্রাণ ৰাইজৰ উপস্থিতি কামনা কৰিছে খানামুখ ৰাজহুৱা নামঘৰ পৰিচালনা সমিতিয়ে।
