বকোৰ ছয়গাঁও উদ্যোগিক বিকাশ কেন্দ্ৰত ভয়ংকৰ অগ্নিকাণ্ডৰ ঘটনা সংঘটিত হয়।
ৰৌচীনা উদ্যোগ লিমিটেডত সংঘটিত হয় এই অগ্নিকাণ্ডৰ ঘটনাটো।
ঘটনাস্থলীত দুখনকৈ অগ্নি নিৰ্বাপক বাহিনীৰ গাড়ী উপস্থিত হৈ জুই নিৰ্বাপন কৰিবলৈ সক্ষম হয়। লোহাৰ সামগ্ৰী নিৰ্মাণ কৰা কোম্পানী হয় ৰৌচীনা উদ্যোগ লিমিটেড।
লোহাৰ সামগ্ৰী নিৰ্মাণ কৰা এই কোম্পানীটোত ঘটনা সংঘটিত হোৱাৰ সময়ত প্ৰায় ১৫০ গৰাকী কৰ্মচাৰী কৰ্মৰত আছিল।
পৰিস্থিতি নিয়ন্ত্ৰণ কৰিবলৈ ইতিমধ্যে বকো আৰক্ষীও ঘটনাস্থলীত উপস্থিত হৈছে।
আৰক্ষী সূত্ৰৰ পৰা জানিব পৰা মতে এই অগ্নিকাণ্ডত কোনো লোক হতাহত হোৱা নাই।
অগ্নিকাণ্ডৰ সূত্ৰপাতৰ কাৰণ বৰ্তমানলৈ জানিব পৰা নাই বুলিও প্ৰকাশ কৰিছে আৰক্ষী সূত্ৰই
Photo: Headline8
