নিৰ্বাচনৰ প্ৰাকমুহূৰ্তত ৰাজ্যত উদ্ধাৰ হৈয়ে আছে টকাৰ লগতে নিচাযুক্ত দ্ৰব্য।
এইবাৰ মৰিয়নী ৰে’লৱে ষ্টেচনত উদ্ধাৰ হয় এটা টকাভৰ্তি বেগ।
মঙলবাৰে 05910 নম্বৰৰ লালগড়পৰা ডিব্ৰুগড় অভিমুখী উজনিমুৱা অবধ অসম এক্সপ্ৰেছ ৰে’লখনৰ S1 নম্বৰৰ ডবাটোত উদ্ধাৰ হয় টকাখিনি।
ফৰকাটিং জংচন অতিক্ৰম কৰাৰ পিছত এটা গৰাকীবিহীন বেগ ৰে’লখনৰ টিকট নিৰীক্ষকৰ দৃষ্টিগোচৰ হোৱাত মৰিয়নী ৰে’ল সুৰক্ষা বাহিনীক অৱগত কৰাত সুৰক্ষা বাহিনীৰ জোৱানে মৰিয়নী ৰে’লৱে ষ্টেচনত উদ্ধাৰ কৰে টকাখিনি।
৫০০,২০০০ টকাভৰ্তি বেগটোৰ টকাখিনি নকল বুলি টিকট নিৰীক্ষকে জানিবলৈ দিয়ে।
উল্লেখযোগ্য যে, বেগটোত কিমান পৰিমানৰ টকা আছিল ৰে’লৱে সুৰক্ষা বাহিনীৰ ফালৰ পৰা কোনো তথ্য প্ৰকাশ নকৰে।
Photo: Headline8
Input: Sapun Rahman
