তিনিচুকীয়াত নিশা ঘটা এক ভয়ংকৰ অগ্নিকাণ্ডত ২০খনৰো অধিক দোকান জুইত জাহ গ’ল। চহৰখনৰ GNB ৰোডৰ নিউ মাৰ্কেটত এই ভয়ংকৰ অগ্নিকাণ্ড সংঘটিত হৈছে।
অভিযোগ অনুসৰি, অগ্নিনিৰ্বাপক বাহিনী এঘণ্টা পলমকৈ ঘটনাস্থলীত উপস্থিত হোৱাৰ ফলত জুইৰ বিয়পি পৰে আৰু যথেষ্ট ক্ষয়-ক্ষতি হয়। ইফালে জুই লগা ঠাইলৈ ঠেক পথৰ বাবে অগ্নিনিৰ্বাপক বাহিনীৰ বাহন সোমাব পৰা নাছিল। প্ৰথমে অহা দুখন বাহনৰ এখনত পানী আৰু আনখনত প্ৰেচাৰ নাছিল। অৱশেষত ১০খন অগ্নিনিৰ্বাপকৰ বাহনে জুই নিৰ্বাপিত কৰিবলৈ সক্ষম হয়। এই অগ্নিকাণ্ডই ইমান ভয়ংকৰ ৰূপ লয় যে জুই নুমুৱাবলৈ ডিগবৈ, দুলীয়াজান, এয়াৰফ’ৰ্চৰ পৰা অগ্নিনিৰ্বাপকৰ বাহন আহিবলগা হৈছিল। নিশা সূত্ৰপাত ঘটা জুইৰ লেলিহান শিখা পুৱতি নিশালৈকে জ্বলিয়েই আছিল।
