অগ্নিগৰ্ভা অসম-মিজোৰাম সীমান্ত। অসম-মিজো সীমান্তৰ গুলীবৰ্ষণ ঘটনাত গুলীবিদ্ধ হৈ গুৰুতৰভাৱে আঘাতপ্ৰাপ্ত হৈছিল কাছাৰ জিলাৰ আৰক্ষী অধীক্ষক বৈভৱ চন্দ্ৰকান্ত নিম্বলকাৰ। ইয়াৰ পিছতে আৰক্ষী অধীক্ষকগৰাকীক উন্নত চিকিৎসাৰ বাবে বিশেষ বিমানেৰে মুম্বাইলৈ প্ৰেৰণ কৰা হৈছিল।
সম্প্ৰতি পৰিস্থিতিৰ কথা বিবেচনা কৰি হাইলাকান্দি জিলাৰ আৰক্ষী অধীক্ষক ৰমনদ্বীপ কৌৰক কাছাৰ জিলাৰ আৰক্ষী অধীক্ষক হিচাপে নিযুক্তি দিয়া হৈছে। চিৰাং জিলাৰ আৰক্ষী অধীক্ষক গৌৰৱ উপাধ্যায়ক হাইলাকান্দি জিলাৰ আৰক্ষী অধীক্ষক পদত বদলিকৰণ কৰা হৈছে। ইফালে যানবাহন শাখাৰ উপ আয়ুক্ত প্ৰাণজিত বৰাক চিৰাং জিলাৰ আৰক্ষী অধীক্ষক হিচাপে বদলি কৰা হৈছে।
আৰক্ষী অধীক্ষক বৈভৱ নিম্বলকাৰৰ দেহত চাৰিটাকৈ গুলী লগাৰ তথ্য পোহৰলৈ আহিছে।
