ব্ৰহ্মপুত্ৰৰ মাজত দুখন জাহাজৰ মুখামুখি সংঘৰ্ষ। এই ঘটনা সংঘটিত হৈছে, যোৰহাটৰ নিমাতী ঘাটত।
মাজুলীৰ পৰা আহি “টিপকাই” নামৰ ফেৰীখনে যোৰহাটৰ নিমাতী ঘাটৰ পৰা আহি থকা “মা কমলা” নামৰ নাওখনত খুন্দিয়াই দিয়ে। ফলত, মা কমলা নামৰ নাওখন ব্ৰহ্মপুত্ৰত ডুবি যায়।
মা কমলা নামৰ নাওঁখনত থকা ৯০ গৰাকী যাত্ৰী নাওখনৰ সৈতে, ব্ৰহ্মপুত্ৰত ডুবি যায়।
মুঠ যাত্ৰী সকলৰ ভিতৰত এতিয়ালৈকে ৮৭ গৰাকী যাত্ৰীক জীৱিত অৱস্থাত উদ্ধাৰ, ১ গৰাকী যাত্ৰীৰ মৃত্য়ু আৰু ২ গৰাকী যাত্ৰী এতিয়াও সন্ধানহীন হৈ থকা বুলি জানিব পৰা গৈছে।
দূৰ্ঘটনাটোত মৃত্য়ুহোৱা যুৱতী গৰাকী গুৱাহাটী নিৱাসী, মাজুলী গড়মুৰ মহাবিদ্যালয় অধ্যাপিকা পৰিণিতা দাস।
কান্দোনত ভাগি পৰিছে পৰিমিতাৰ মাতৃ। জীয়ৰীক নিজেই বিদায় দি ফেৰীত উঠাইছিল মাতৃয়ে।
নিশা ঘটনাস্থলীত উপস্থিত হয়, মন্ত্ৰী বিমল বৰা। তেওঁ ঘটনাৰ বুজ লয়।
আজি দিনৰ ভাগত মুখ্য়মন্ত্ৰী ড০ হিমন্ত বিশ্ব শৰ্মা ঘটনাস্থলীত উপস্থিত হয়।
নিমাতীৰ নাও দুৰ্ঘটনা সন্দৰ্ভত পৰিবহণ বিভাগে তদন্তৰ বাবে বিভাগীয় সচিব যাদৱ শইকীয়াক দায়িত্ব অৰ্পন কৰে।
ইতিমধ্য়ে, নিমাতীঘাটৰ ঘটনাৰ পিছতেই কৰ্তব্যত গাফিলতিৰ বাবে কাৰ্যবাহী অভিযন্তা বিক্ৰমাদিত্য চৌধুৰী, আভ্যন্তৰীণ জল পৰিবহণৰ ৩ জন বিষয়া-কৰ্মচাৰীক, সহকাৰী কাৰ্যবাহী অভিযন্তা মুকুট গগৈ আৰু কনিষ্ঠ অভিযন্তা ৰাতুল তামুলীক চাকৰীৰ পৰা নিলম্বিত কৰে।
ইয়াৰ লগতে, নিমাতী ঘাটত উপস্থিত হৈ যোৰহাট-মাজুলীৰ মাজত চলাচল কৰা এটা ইঞ্জিনযুক্ত সকলো নাও-ফেৰী আজিৰে পৰা নিষিদ্ধ কৰাৰ ঘোষণা কৰে মুখ্যমন্ত্ৰী ড০ হিমন্ত বিশ্ব শৰ্মাই।
ভাৰতীয় বায়ু সেনাবাহিনীয়ে হেলিকপ্টাৰৰ সহায়ত নিমাতীঘাটত উদ্ধাৰ অভিযান অব্য়াহত ৰাখিছে।