সমাগত বিধানসভা নিৰ্বাচন। নিৰ্বাচনৰ দিন যিমানেই ওচৰ চাপি আহি আছে সিমানেই বিজেপিয়ে প্ৰচাৰ অভিযানৰ ব্যাপক তৎপৰতা আৰম্ভ কৰিছে।
নিৰ্বাচনক মূল লক্ষ্য হিচাপে লৈ ২২ ফেব্ৰুৱাৰীত পুনৰ এবাৰ অসম ভ্ৰমণ কৰিবলৈ আহিব প্ৰধানমন্ত্ৰী নৰেন্দ্ৰ মোদী।
এদিনীয়া ভ্ৰমণসূচী লৈ উজনি অসমৰ মাজুলী আৰু ধেমাজীৰ চিলাপথাৰত দুখনকৈ জনসভাত অংশগ্ৰহণ কৰিব।
ইয়াৰ উপৰি ভিডিঅ’ কনফাৰেন্সিঙৰ জৰিয়তেও আন এটা কাৰ্যসূচীত অংশ ল’ব মোডীয়ে।
এই কথা নিশ্চিত কৰিছে অসম চৰকাৰৰ বিত্ত আৰু স্বাস্থ্য মন্ত্ৰী ড০ হিমন্ত বিশ্ব শৰ্মাই।
জানিব পৰা মতে প্ৰধান মন্ত্ৰী মোদীয়ে ব্ৰহ্মপুত্ৰৰ ওপৰত নিৰ্মাণ হ’বলগীয়া যোৰহাট-মাজুলীৰ মাজৰ দলঙৰ আধাৰশিলা স্থাপন কৰাৰ সম্ভাৱনা আছে।
উল্লেখ্য যে যোৱা ২৩ জানুৱাৰিত প্ৰধানমন্ত্ৰী মোদীয়ে শিৱসাগৰ জিলাৰ ঐতিহাসিক জেৰেঙা পথাৰ আৰু তাৰ ১৪ দিনৰ পিছত পুনৰ ৭ ফেব্ৰুৱাৰীত বিশ্বনাথত আয়োজিত বিশাল কাৰ্যসূচীত অংশ লৈছিল।
Photo: Google
