কটন বিশ্ববিদ্যালয়ত নিৰ্বাচনোত্তৰ হিংসা; কেইবাজনো আহত

কটন বিশ্ববিদ্যালয়ত নিৰ্বাচনকেন্দ্ৰিক হিংসা।সীতানাথ ব্ৰহ্ম চৌধুৰী হোষ্টেল আৰু মহেন্দ্ৰ নাথ ডেকা ফুকন হোষ্টেলৰ মাজত মাৰপিটৰ ঘটনা। উদণ্ড ছাত্ৰই ভাঙি লণ্ডভণ্ড কৰিলে হোষ্টেলৰ বিভিন্ন সামগ্ৰী। হোষ্টেলৰ খাদ্যগৃহ, ৰান্ধনীগৃহ, হোষ্টেলৰ টেবুল, চকীকে ধৰি বিভিন্ন সামগ্ৰী ভাঙি লণ্ডভণ্ড কৰিলে উদণ্ড ছাত্ৰই।
এই ঘটনাত কেইবাজনো ছাত্ৰ গুৰুতৰভাৱে আহত হৈছে। নিশাই ১০৮ এম্বুলেন্স সেৱাৰ জৰিয়তে আহত ছাত্ৰক জি এম চিলৈ প্ৰেৰণ কৰাৰ লগতে উদণ্ড ছাত্ৰক নিয়ন্ত্ৰণ কৰিবলৈ আৰক্ষী আৰু অৰ্ধ-সামৰিক বাহিনীৰ জোৱান মোতায়েন কৰা হৈছে। আনহাতে একাংশ ছাত্ৰই আৰক্ষী আৰু অৰ্ধ-সামৰিক বাহিনীৰ জোৱানলৈ শিলগুটিও নিক্ষেপ কৰিছিল।