পুনৰ গ্ৰেপ্তাৰ সুৰাসক্ত মডেল ৰাজকন্যা বৰুৱা। অভিনয় কৰি এইবাৰ সাৰিব নোৱাৰিলে ৰাজকন্যাই। মেডিকেল ব’ৰ্ডৰ প্ৰতিবেদনত পোহৰলৈ আহিল সুৰাসক্ত ৰাজকন্যাৰ চিকিৎসাৰ নামত অভিনয়ৰ নাটক।
আজি জি এম চি এইছৰ মেডিকেল ব’ৰ্ডে ডি এন আৰ চিত আই চি ইউত ভৰ্তি হৈ থকা ৰাজকন্যাৰ স্বাস্থ্য পৰীক্ষা কৰে। স্বাস্থ্য পৰীক্ষাত ধৰা নপৰিল ৰাজকন্যাৰ অসুস্থতা।মেডিকেল বৰ্ডৰ প্ৰতিবেদনত প্ৰকাশ পোৱা মতে আৰক্ষীৰ তদন্তকাৰী বিষয়াৰ ওচৰত হাজিৰ হ’ব পৰাকৈ সুস্থ ৰাজকন্যা।
ইয়াৰ পিছতেই দিছপুৰ আৰক্ষীয়ে প্ৰতিবেদন লগত লৈ ৰাজকন্যাক গ্ৰেপ্তাৰ কৰে। লগতে জি এন আৰ চিকো তদন্তৰ আওতালৈ আনিবলৈ নিৰ্দেশনা দিয়ে।
সম্প্ৰতি ৰাজকন্যাক দিছপুৰ অৰক্ষী থানাত সোধ-পোছৰ বাবে ৰখা হৈছে। ৰাজকন্যাৰ বিৰুদ্ধে ৩০৮ ধাৰা ৰুজু কৰা হৈছে।এই নতুন ধাৰা অনুসৰি সাত বছৰ পৰ্যন্ত জেইল হ’ব পাৰে ৰাজকন্যাৰ।
ৰাজপথত সন্ত্ৰাস চলাই নজনকৈ লোকক ঘূণীয়া কৰা ৰাজকন্যা বৰুৱাৰ ঘটনাৰ মুখ্যমন্ত্ৰীৰ হস্তক্ষেপৰ পাছত এতিয়া ৰাজকন্যাৰ বিৰুদ্ধে তৎপৰ হ’বলৈ বাধ্য হৈছে মহানগৰ আৰক্ষী।
