প্ৰতিৰক্ষা মন্ত্ৰী ৰাজনাথ সিঙে শুক্রবাৰে গুৱাহাটীৰ সৰুসজাইত ডি আৰ ডি অ’ৰ দ্বাৰা নিৰ্মিত ক’ভিড চিকিৎসালয়খন পৰিদৰ্শন কৰে।
উক্ত পৰিদৰ্শন কালত সিঙক সংগ দিয়ে অসমৰ মুখ্যমন্ত্ৰী ড০ হিমন্তবিশ্ব শৰ্মাই।
এই পৰিদৰ্শন সম্পৰ্কে কেন্দ্রীয় মন্ত্রীগৰাকীয়ে নিজৰ টুইটাৰ হেণ্ডলৰ যোগেও সকলোকে অৱগত কৰে।
উল্লেখ্য যে ডি আৰ ডি অ’ আৰু অসম চৰকাৰে অভিলেখ সময়ত ৩১৬ খন বিচনাযুক্ত এই ক’ভিড চিকিৎসালয়খন সাজি উলিয়াইছে। এই চিকিৎসালয়খনে মহামাৰীৰ বিৰুদ্ধে যুঁজত অসমক বিশেষভাৱে সহায় কৰিব।
