বিশ্ব হিন্দু পৰিষদৰ খানাপাৰা প্ৰখণ্ডৰ উদ্যোগত পাঞ্জাবাৰীৰ বাঘৰবড়ী হাইস্কুলৰ প্ৰেক্ষাগৃহত ২৩ এপ্ৰিলত ৰাম নৱমী উদযাপন কৰা হয়। বিশ্ব হিন্দু পৰিষদৰ খানাপাৰা প্ৰখণ্ডৰ সাধাৰণ সম্পাদক ৰঞ্জন কুমাৰ চক্ৰৱৰ্তীয়ে আঁত ধৰা অনুষ্ঠানৰ প্ৰাৰম্ভণিতে বন্তি প্ৰজ্বলন কৰি ৰাম নৱমী কাৰ্যসূচী মুকলি কৰে ৰাষ্ট্ৰীয় স্বয়ংসেৱক সংঘৰ মাধৱদেৱ নগৰৰ প্ৰাক্তন সংঘচালক বৈকুণ্ঠ চেতিয়াই।
উক্ত বৈঠকত প্ৰাক্তন সংঘচালকজনৰ লগতে বৌদ্ধিক প্ৰদান কৰে বিশ্ব হিন্দু পৰিষদৰ খানাপাৰা প্ৰখণ্ডৰ সভাপতি প্ৰভাত চন্দ্ৰ ঠাকুৰীয়া, আয়ুষ্কাম বহুমুখী সমবায় সমিতি লিমিটেডৰ অধ্যক্ষ অশোক শইকীয়া আৰু বিশিষ্ট ব্যক্তি উৎপল মেধিয়ে। সভাত সমাজ সংগঠক ৰুমী দেৱী, ৰাষ্ট্ৰীয় স্বয়ংসেৱক সংঘৰ জ্যেষ্ঠ স্বয়ংসেৱক ত্ৰিদীপ পাঠক, উদ্যোগী মহিলা ৰুণজুন বৰুৱা কৌশিকো উপস্থিত থাকে। বৈঠকৰ অন্তত অযোধ্যাৰ ৰাম মন্দিৰৰপৰা অনা প্ৰসাদ বিতৰণ কৰা হয়।
