চিৰিয়াখানাত দেখিবলৈ নাপাব ৰঙিলীক !

অসম ৰাজ্যিক চিৰিয়াখানাত মৃত্যু হৈছে ৰঙিলী নামৰ এটা জিৰাফৰ। বৃহস্পতিবাৰে নিশা প্ৰায় ১০.৩০ বজাত জিৰাফটোৰ মৃত্যু হোৱা বুলি জানিব পৰা গৈছে।
২০২০চনত মাইশোৰৰ পৰা অনা হৈছিল ৰঙিলী নামৰ এই জিৰাফটোক।
নিশা দানা খোৱা স্থানত ফাঁচ লাগি জিৰাফজনীৰ মৃত্যু হোৱা বুলি সন্দেহ কৰা হৈছে যদিও বৰ্তমান এই কথা অস্বীকাৰ কৰিছে বন সংমণ্ডল বিষয়া অশ্বিনী কুমাৰে ৷
উল্লেখ্য যে, এই ঘটনাৰ তদন্ত ক্ৰিয়া অব্যাহত আছে। সমগ্ৰ তদন্তৰ পিছতহে পোহৰলৈ আহিব প্ৰকৃত তথ্য।