দেশৰ প্ৰতিষ্ঠিত উদ্যোগপতি ৰতন টাটা, এগৰাকী ব্যৱসায়ীয়ে নহয়, এগৰাকী সমাজ সেৱকো ৷
বিভিন্ন সময়ত ব্যক্তিগৰাকীকে ভাৰতৰ দুৰ্যোগৰ সময়ত চৰকাৰৰ লগতে জনতাৰ ওচৰত সহায়তাৰ হাত আগবঢ়াই আহিছে ৷
সমগ্ৰ বিশ্বত ক’ৰোনাৰ অতিমাৰীৰ সময়ত উদ্যোগপতিগৰাকীয়ে চৰকাৰক সহায়-সহযোগীতা আগবঢ়োৱাৰ লগতে জনসাধাৰণক ওচৰত থিয় দিছিল ৷
While I appreciate the sentiments expressed by a section of the social media in terms of an award, I would humbly like to request that such campaigns be discontinued.
Instead, I consider myself fortunate to be an Indian and to try and contribute to India’s growth and prosperity pic.twitter.com/CzEimjJPp5
— Ratan N. Tata (@RNTata2000) February 6, 2021
এইগৰাকী দেশৰ প্ৰতিষ্ঠিত উদ্যোগপতি ৰতন টাটাক সামাজিক মাধ্যমত তেওঁক ভাৰত ৰত্ন বাবে কিছুলোকে চৰকাৰক আবেদন জনাইছিল ৷
প্ৰতিষ্ঠিত উদ্যোগপতি ৰতন টাটাই সামাজিক মাধ্যমত তথা টুইট কৰি তেওঁক ভাৰত ৰত্ন দিয়াৰ বাবে আবেদন কৰা লোকসকলক এই অভিযান ভংগ কৰাৰ বাবে আহ্বান জনাইছে।
লগতে ৰতন টাটাই এইবুলিও কয় যে তেওঁ ভাৰতীয় হোৱাৰ বাবে নিজকে ভাগ্যশালী বুলি ভাৱে ৷
সেয়ে তেওঁ নিজকে দেশৰ সমৃদ্ধিৰ বাবে নিজে আগৱঢ়োৱা সেৱাৰ বাবে গৌৰৱবোধ কৰে। ইয়াৰ বাবে পুৰস্কাৰৰ কোনো প্ৰয়োজন নাই বুলিও তেওঁ মত প্ৰকাশ কৰিছে।
উল্লেখ্য, সামাজিক মাধ্যমত বহুলোকে চৰকাৰখনক তেওঁৰ দেশভক্তিৰ বাবে দেশৰ সৰ্বোচ্চ নাগৰিকৰ সন্মান দিবৰ বাবে দাবী উত্থাপন কৰি আহিছে ৷