দেশত ক’ৰোনা মহামাৰীয়ে সংহাৰী ৰূপ ধাৰণ কৰিছে।
ক’ৰোনা মহামাৰীৰ ফলত মৃত্যুক সাৱটিছে বহু লোকে।
আজি দেশৰ প্ৰাক্তন এটৰ্ণি জেনেৰেল ছোলি ছোৰাবজী ক’ৰোনা আক্ৰান্ত হৈ মৃত্যু হয়।
ক’ৰোনাত আক্ৰান্ত হৈ দীর্ঘদিন ধৰি হাস্পতালত চিকিৎসাধীন হৈ আছিল এটৰ্ণি জেনেৰেল ছোলি ছোৰাবজী।
অৱশেষত দিল্লীৰ এখন ব্যক্তিগত হাস্পতালত শেষ নিশ্বাস ত্যাগ কৰে ছোলি ছোৰাবজীয়ে।
এটৰ্ণি জেনেৰেল ছোলি ছোৰাবজীয়ে কলেজত আইনৰ শিক্ষাৰ্থী হিচাপে স্বর্ণ পদক লাভ কৰিছিল।
তাৰ পিছতে বোম্বে উচ্চ ন্যায়ালয়ৰ জ্যেষ্ঠ অধিবক্তা হিচাপে যোগদান কৰিছিল।
১৯৭৭ চনৰ পৰা ১৯৮০ চনলৈ দেশৰ দ্বিতীয় সৰ্বোচ্চ আইন বিষয়া ছলিছিটৰ জেনেৰেল আছিল।
দেশৰ সৰ্বোচ্চ আইন বিষয়া এটৰ্ণি জেনেৰেল হিচাপে দুবাৰকৈ অধিষ্ঠিত হৈছিল ছোলি ছোৰাবজী।
মানৱ অধিকাৰ সুৰক্ষা তথা বাক স্বাধীনতা ৰক্ষাৰ কামত বিশেষ ভাৱে জড়িত থকা বাবে ২০০২ চনত পদ্মবিভূষণ বঁটাৰে সন্মানিত হৈছিল এটৰ্ণি জেনেৰেল ছোলি ছোৰাবজী।
আজি তেওঁৰ মৃত্যুৰ খবৰ পোৱাৰ লগে লগে দেশবাসী শোকস্তব্ধ হৈ পৰিছে।
Photo Credit: Google
