ৰাষ্ট্ৰীয় বালিকা দিৱসত উত্তৰাখণ্ডৰ হৰিদ্বাৰৰ বাসিন্দা সৃষ্টি গোস্বামী এদিনৰ বাবে উত্তৰাখণ্ডৰ মুখ্যমন্ত্ৰী হ’ব।
ইয়াকে লৈ বিধানসভাৰ কোঠা নং ১২০ত বৈঠক আয়োজন কৰা হ’ব।
ইয়াৰ স্বীকৃতি আৰু নিৰ্দেশ মুখ্যমন্ত্ৰী ত্ৰিবেন্দ্ৰ সিং ৰাৱটৰ ফালৰ পৰা দিয়া হৈছে।
দৰাচলতে বুধবাৰে উত্তৰাখণ্ড শিশু সংৰক্ষণ আয়োগৰ অধ্যক্ষ উষা নেগীয়ে মুখ্য সচিব ওমপ্ৰকাশক এখন পত্ৰ প্ৰেৰণ কৰে।
তেওঁ ক’লে যে ২৪ জানুৱাৰীত বালিকাসকলৰ ক্ষমতায়নৰ বাবে এগৰাকী প্ৰতিভাৱান ছাত্ৰীক মুখ্যমন্ত্ৰীৰ পদৰ দায়িত্ব প্ৰদান কৰা হৈছে।
সৃষ্টি গোস্বামী উত্তৰাখণ্ডৰ এদিনৰ বাবে মুখ্যমন্ত্ৰীৰ পদ চম্ভালিব।
এদিনৰ কাৰ্যকালৰ সময়ছোৱাত সৃষ্টিয়ে ৰাজ্যখনৰ বিকাশ কাৰ্যৰ সমীক্ষা কৰিব।
ইয়াৰ বাবে মনোনীত কৰা বিভাগৰ অধিকাৰীয়ে বিধানসভাত ৫-৫ মিনিটৰ বাবে নিজৰ প্ৰস্তুতি প্ৰদান কৰিব।
বিধানসভা দুপৰীয়া ১২ বজাৰ পৰা ৩ বজালৈ আয়োজিত হ’ব।
সৃষ্টিৰ মাতৃ-পিতৃয়ে কয় যে, আজি আমি যথেষ্ট গৰ্ব অনুভৱ কৰিছো।
প্ৰতিগৰাকী কন্যাই নিজৰ লক্ষ্যত উপনীত হ’ব পাৰে কেৱল তেওঁলোকক সহযোগ কৰিব লাগিব।
ইফালে সৃষ্টি গোস্বামীয়ে কয় যে ইয়াৰ বাবে মই উত্তৰাখণ্ডৰ মুখ্যমন্ত্ৰীক হৃদয়েৰে কৃতজ্ঞতা জ্ঞাপন কৰিছো।
হৰিদ্বাৰৰ বহাদৰাবাদত দৌলতপুৰ গাঁৱৰ বাসিন্দা সৃষ্টি গোস্বামী বিএছএম পিজি কলেজৰ শিক্ষাৰ্থী।
Photo: Google
