বৃহস্পতিবাৰে কেইবাটাও কাৰ্যসূচীৰে বৰপেটাত উপস্থিত হয় শিক্ষা মন্ত্ৰী হিমন্ত বিশ্ব শৰ্মা।
তাত উপস্থিত হৈয়ে বৰপেটাৰোড ষ্টেডিয়াম উদ্বোধন কৰে মন্ত্ৰী শৰ্মাই।
তাৰ পিছত বাইক সমদলত অংশগ্ৰহণ কৰে আৰু পিছত এখন জনসভাত অংশ লয়।
তাৰ পিছতে মন্ত্ৰী গৰাকী সৰভোগলৈ ৰাওনা হয়।
সৰভোগৰ এক জনসভাত অংশগ্ৰহণ কৰি তেওঁ কয় যে অহাবৰ্ষত ছাত্ৰসকলক বুলেট প্ৰদান কৰা হ’ব।
অনুজ্ঞাপত্ৰ লৈ সাজু হৈ থাকিবৰ বাবে আহ্বান জনাই হিমন্ত বিশ্ব শৰ্মাই।
কিন্তু বুলেট প্ৰদানত কি চৰ্ত থাকিব সেই কথা উল্লেখ নকৰিলে।
শৰ্মাই কয় যে ”আপোনালোকে বাইক চলাবলৈ সাজু নে ?
আমি আকৌ চৰকাৰ গঠন কৰাৰ পিছত চাওঁ কি হয়। কিন্তু আপোনালোকে চালকৰ অনুজ্ঞাপত্ৰ লৈ সাজু থাকক”।
দৰাচলতে ছাত্ৰীসকলক স্কুটী প্ৰদান কৰাৰ পিছতে বুলেটৰ দাবী কৰিছিল ছাত্ৰসকলে।
Photo: Google
