আফগানিস্তানত তালিবান সন্তাসবাদীৰ ঘাটি ধ্বংস কৰিলে দেশখনৰ নিৰাপত্তা বাহিনীয়ে।
দেওবাৰে নিৰাপত্তা ৰক্ষীয়ে বিমানেৰে আক্ৰমণ চলাইছিল তালিবানৰ সন্তাসবাদীৰ ঘাটিত তাৰ পিছতে প্ৰায় ৮০ গৰাকী সন্তাসবাদী নিহত হোৱাৰ খবৰ আহিছে।
আফগানিস্তানৰ কান্দাহাৰৰ অৰঘনদাব জিলাত কৰা এই আক্ৰমণত নিহত হৈছে তালিবানৰ মূখ্য কমাণ্ডাৰ ছৰদহী।
সন্তাসবাদীৰ আক্ৰমণাত্মক ষড়যন্ত্ৰৰ খবৰ পোৱাৰ পিছতে দেশখনৰ নিৰাপত্তা বাহিনীয়ে বিমানেৰে আক্ৰমণ চলাই সন্তাসবাদীৰ ঘাটি ধ্বংস কৰে বুলি সদৰি কৰিছে আফগানিস্তানৰ প্ৰতিৰক্ষা মন্ত্ৰালয়ে।
আক্ৰমণত তালিবানৰ সন্তাসবাদী নিহত হোৱাৰ লগতে ২খন টেংকাৰ আৰু আন কেইবাখনো বাহন ধ্বংস হয়।
Photo Credit: Google
