বৃহস্পতিবাৰে ম্যানমাৰত পুৱা এক ভয়ংকৰ সামৰিক বিমান দুৰ্ঘটনা সংঘটিত হয়। এই দুৰ্ঘটনাটোত
বৌদ্ধ ধৰ্মৰ ধৰ্মীয় নেতা ভৱন্ত কাছিৱাৰা, ছয় শীৰ্ষ সেনা বিষয়াসহ মুঠ ১৩জনে কৰুণ মৃত্যুক সাৱটি লয়।
জানিব পৰা অনুসৰি বৃহস্পতিবাৰে পুৱা ৭ বজাত নেয়পেডৰ বিমানবন্দৰৰ পৰা মান্দায়লৰ পিন অ’ লৱিন বিমানবন্দৰলৈ জুন্টা সামৰিক বিমানখনে উৰা মাৰিছিল। কিন্তু প্ৰচণ্ড বৰষুণৰ বাবে বিমানখন অৱতৰণ কৰিবলৈ লোৱাৰ সময়তে বিমান বন্দৰৰ বিদ্যুতৰ খুঁটাত প্ৰচণ্ড জোৰত খুন্দা মাৰে। ফলত ঘটনাস্থলীতে বিমানখন টুকুৰা টুকুৰ হৈ পৰে।
এই ভয়ংকৰ দুৰ্ঘটনাটোত ১৩জন লোকে প্ৰাণ হেৰুৱায়।
