বানপানীৰ মাজত ছেলফি ল’বলৈ যোৱা যুৱকক উটুৱাই লৈ গ’ল প্ৰৱল সোঁতে

ছেলফি তোলাটো বহুতৰে নিচা হৈ পৰিছে। বহু লোকে ছেলফি তুলি চছিয়েল মিডিয়াত আপলোড কৰি মানসিক তৃপ্তি পায়। কিন্তু এই অত্যাধিক ছেলফি তোলাৰ নিচা, তথা অসাৱধানতাই আকৌ বহু সময়ত বিপদত পেলোৱাৰ লগতে বহুজনৰ প্ৰাণো লৈছে।

তেনে এক ঘটনাই অলপতে নগাঁৱৰ কামপুৰত সংঘটিত হৈছে। বানপানীৰ মাজত ছেলফি ল’বলৈ যোৱা এজন যুৱকক উটুৱাই লৈ গ’ল পানীৰ প্ৰৱল সোঁতে।
মাছ মাৰি থকা অৱস্থাত ছেলফি তুলিবলৈ যাওঁতে পানীৰ সোঁতত উটি গল যুৱকজন। পিছত স্থানীয় লোকে কোনো মতে উদ্ধাৰ কৰে লোকজনক। যুৱকজনৰ নাম ছৰিফ আলী। ঘৰ কামপুৰৰ আহোমগাঁৱত।