চিলাপথাৰত পথ দুৰ্ঘটনাত ভাতৃ-ভগ্নীসহ নিহত ৩

আজি পুৱতি নিশা চিলাপথাৰৰ চিলাসুঁতিত এক ভয়ংকৰ পথ দুৰ্ঘটনা সংঘটিত হয়। ৰৈ থকা এখন বাইকত প্ৰচণ্ড গতিৰে অহা এখন চাৰিচকীয়া বাহনে খুন্দা মৰাৰ ফলত থিতাতে নিহত হয় তিনি গৰাকীকৈ লোক। নিহত দুয়োগৰাকী সম্বন্ধত ভাতৃ-ভগ্নী বুলি জানিব পৰা গৈছে।
তথ্য মতে, নিহত দুগৰাকীৰ নাম হৈছে আজা চুক্ৰাং আৰু জয়া চুক্ৰাং। টাটা পাঞ্চ নামৰ বাহনখনে প্ৰচণ্ড গতিৰে আহি দুয়োকে খুন্দা মাৰি উফৰাই নিয়ে। ইয়াৰ পিছতে বাহনখনে আন এখন বাইকতো খুন্দা মাৰে। বাইকখনৰ আৰোহীগৰাকী নিহত হোৱাৰ লগতেবাইকৰ পিছফালে থকা লোকজন গুৰুতৰভাৱে আহত হৈছে। আৰক্ষীয়ে ইতিমধ্যে টাটা পাঞ্চ বাহনখন জব্দ কৰিছে।