কাজিৰঙা ৰাষ্ট্ৰীয় উদ্যানত বাঘৰ গুলীবিদ্ধ মৃতদেহ উদ্ধাৰ

কাজিৰঙা ৰাষ্ট্ৰীয় উদ্যানৰ সীমান্তৱৰ্তী জাপৰিপথাৰ, কৰুৱাবাৰি অঞ্চলৰ সমীপত আজি পুৱা প্ৰায় ৭ বাজি ১০ মিনিটত উদ্ধাৰ হয় ৰয়েল বেংগল প্ৰজাতিৰ এটি মতা বাঘৰ শৱদেহ।
লগে লগেই বন বিভাগে ঘটনা সন্দৰ্ভত অনুসন্ধান আৰম্ভ কৰে।অনুসন্ধানত গুলীৰ আঘাতেই বাঘটোৰ মৃত্যুৰ কাৰণ বুলি জানিব পৰা যায়।সন্দেহ কৰা অনুসৰি জনবসতিপূৰ্ণ অঞ্চলৰ পৰা ভয় খুৱাই আঁ‌তৰাই পঠিওৱাৰ উদ্দেশ্যে বনকৰ্মীয়ে কৰা গুলীচালনাৰ ফলতে দুৰ্ঘটনাবশতঃ আঘাতপ্ৰাপ্ত হৈছিল বাঘটো।