নৱপ্ৰজন্মৰ যুৱতীসকল ‘ক্ৰাছ’ টাইগাৰ শ্ৰফে এতিয়া ব্যস্ত হৈ আছে আহিবলগীয়া ছবি হিৰোপান্তি ২ ৰ নৈপথ্য কণ্ঠ দিয়াত । টাইগাৰ শ্ৰফৰ প্ৰথমখন ছবি আছিল হিৰোপান্টি,২০১৪ চনত মুক্তি লাভ কৰিছিল ছবিখনে।
উল্লেখ্য যে, অভিনেতাগৰাকীয়ে এখন ছবি ইনষ্টাগ্ৰামত আপলোড কৰি লিখিছে ‘আকৌ সেই সময়’। এই হিট ছবিখনে কৃতি চাননৰ বলীউডত প্ৰৱেশক চিহ্নিত কৰিছিল। হিৰোপান্তি ২’ত তাৰা চুটাৰিয়াৰ বিপৰীতে টাইগাৰে অভিনয় কৰিব। দুয়োজনে আগতে ‘ষ্টুডেণ্ট অফ দা ইয়েৰ ২’ত একেলগে অভিনয় কৰিছিল। আহমেদ খানৰ দ্বাৰা পৰিচালিত এই ছবিখন চলিত বৰ্ষৰ ২৯ এপ্ৰিলত ছবিগৃহত মুক্তি পোৱাৰ কথা আছে।
