আজি ২ অক্টোবৰ, মহামানৱ মহাত্মা গান্ধীৰ জন্মদিন। সমগ্ৰ বিশ্বজুৰি মহামানৱ গৰাকীৰ ১৫২ সংখ্যক জন্ম জয়ন্তী উৎযাপন কৰিছে। মহাত্মা গান্ধীৰ জন্ম জয়ন্তীৰ দিনটোত ভাৰতৰ প্ৰধানমন্ত্ৰী নৰেন্দ্ৰ মোডীয়ে ৰাজঘাট ভ্ৰমণ কৰি স্বাধীনতা সংগ্ৰামী গৰাকীলৈ শ্ৰদ্ধাঞ্জলি জ্ঞাপন কৰে।
একেদৰে, কংগ্ৰেছৰ হাইকমাণ্ড ছোনীয়া গান্ধীয়েও ৰাজঘাট উপস্থিতি হৈ মহামানৱ মহাত্মা গান্ধীক শ্ৰদ্ধাঞ্জলি জ্ঞাপন কৰে। ৰাষ্ট্ৰপতি ৰামনাথ কোবিন্দ, উপ-ৰাষ্ট্ৰপতি এম ভেংকায়া নাইডুকে ধৰি কেন্দ্ৰীয় মন্ত্ৰীসকলেও ৰাজঘাটত উপস্থিত হৈ মহাত্মা গান্ধীক শ্ৰদ্ধাঞ্জলি জনায়।
বিশ্বৰ বিভিন্ন প্ৰান্তত জাতিৰ পিতা মহামানৱ মহাত্মা গান্ধীৰ ওপজা দিনটো উলহ-মালহেৰে পালন কৰিছে।
