আজি দেশৰ প্ৰাক্তন প্ৰধানমন্ত্ৰী লাল বাহাদুৰ শাস্ত্ৰীৰ ওপজা দিন। শাস্ত্ৰীৰ ১১৭ সংখ্যক জন্ম জয়ন্তী দেশৰ ভিন্ন প্ৰান্তত পালন কৰিছে। ভাৰতৰ প্ৰধানমন্ত্ৰী নৰেন্দ্ৰ মোডীয়ে ৰাতিপুৱাই বিজয়ঘাটত উপস্থিত হৈ প্ৰাক্তন প্ৰধানমন্ত্ৰী লাল বাহাদুৰ শাস্ত্ৰীলৈ শ্ৰদ্ধাঞ্জলি জ্ঞাপন কৰে।
লাল বাহাদুৰ শাস্ত্ৰীৰ পুত্ৰ অনিল শাস্ত্ৰীয়েও পিতৃৰ জন্ম জয়ন্তীৰ দিনটোত বিজয় ঘাটত উপস্থিত থাকি পিতৃক শ্ৰদ্ধাঞ্জলি জ্ঞাপন কৰে। ৰাষ্ট্ৰপতি ৰামনাথ কোবিন্দৰ লগতে উপ-ৰাষ্ট্ৰপতি এম ভেংকায়া নাইডুকে ধৰি কেন্দ্ৰীয় মন্ত্ৰী তথা নেতা সকলেও পুৱাই বিজয় ঘাটত উপস্থিত হৈ লাল বাহাদুৰ শাস্ত্ৰীলৈ শ্ৰদ্ধাঞ্জলি জনায়।
