শুকুৰবাৰে উত্তৰ প্ৰদেশৰ সোনভদ্ৰ জিলাৰ পিপৰী থানাৰ সমীপত প্ৰায় দুপৰীয়া ৩ বজাত ট্ৰাক আৰু মিনি ট্ৰাকৰ সংঘৰ্ষত ৪জন লোকে প্ৰাণ হেৰুৱাই আৰু ৩জন লোক গুৰুতৰভাৱে আহত হয়।
ইয়াৰোপৰি আগৰাত সংঘটিত অন্য এক পথ দুৰ্ঘটনাত ৩জন লোকে কৰুণ মৃত্যুক সাৱটি লয়।
ট্ৰাক আৰু মিনি ট্ৰাকৰ সংঘৰ্ষ
পিপৰী আৰক্ষী থানাৰ বিষয়া বিজয় শংকৰ মিশ্ৰাই ক’লে যে, শুকুৰবাৰে প্ৰায় ৩ বজাত বাৰাণসী-শক্তিনগৰ পথত ৰিহন্দ বান্ধৰ বনদেৱী মন্দিৰৰ সমীপত অনপৰাৰ পৰা আহি থকা এখন কয়লাভৰ্তি ট্ৰাকে বিপৰীত দিশৰ পৰা আহি থকা আন এখন মিনি ট্ৰাকক খুন্দা মাৰে।
এই সংঘৰ্ষৰ পিছতে ট্ৰাকখন এটা খাৱৈত বাগৰি পৰে আৰু ৪জন লোকে প্ৰাণ হেৰুৱায়।
ইফালে আনটো পথ দুৰ্ঘটনা সংঘটিত হয় আগৰাত।
হাস্পতালত ভৰ্তি হৈ থকা ৰোগীক পৰিয়ালৰ লোকে চাবলৈ আহি থকা অৱস্থাতে এই দুৰ্ঘটনা সংঘটিত হয়।
আগৰা-লক্ষ্ণৌ এক্সপ্ৰেছত ট্ৰাকত খুন্দা মাৰে এখন বাহনে। এই দুৰ্ঘটনাত ৩জনে প্ৰাণ হেৰুৱায়।
Photo: Google
